அவசர எச்சரிக்கைகள்

rss

2024-03-12 Drought Meeting  2

ශ්‍රී ලංකාවේ මේ දිනවල පවතින දැඩි උණුසුම් සහ වියළි කාලගුණික තත්වය පිළිබඳ සලකා බැලීම සඳහා විශේෂ රැස්වීමක් 12 වන දින (3/12) අධ්‍යක්ෂ ජනෙරාල්ගේ ප්‍රධානත්වයෙන් පැවැත් විය. මේ සඳහා ප්‍රධාන පාර්ශවකාර ආයතන වූ කාලගුණ විද්‍යා දෙපාර්තමේන්තුව, වාරිමාර්ග දෙපාර්තමේන්තුව, සෞඛ්‍ය අමාත්‍යාංශය, ගොඩනැගිලි පර්යේෂණ සංවිධානය, මධ්‍යම පරිසර අධිකාරිය, ජාතික ආපදා සහන සේවා මධ්‍යස්ථානය, ජාත්‍යන්තර ජල කළමනාකරණ ආයතනය සහ ලෝක සෞඛ්‍ය සංවිධානය නියෝජනය කරමින් නියෝජිත මහත්ම මහත්මීන් ඇතුලු පිරිසක් සහභාගී විය.

දැනට පවතින වියලි කාලගුණ තත්ත්වය පිළිබඳව කාලගුණ විද්‍යා දෙපාර්තමේන්තුවේ නියෝජිතයින් අදහස් දක්වමින් පෘතුවියේ උණුසුම් වසර ලෙස 2023 වර්ෂය වාර්තා තබා ඇති බවත් El Nino සහ La Nino ක්‍රියාකාරීත්වය මත ඇතිවන මෙම බලපෑම ඇති වී ඇති බව පෙන්වා දෙන ලදී. එසේම එළැඹෙන ජුනි සිට අගෝස්තු දක්වා කාලය තුළ La Nino තත්වයේ වර්ධනයක් ඇතිවන බව පෙන්නුම් කරන බවත් පැවසීය. මේ හේතුවෙන් වර්ෂාපතනයේ වෙනස්වීම් දක්නට ලැබෙන බවත් මාර්තු මස මැද භාගයේ සුළු වර්ෂාපතනයක් හැරුණු විට මැයි මස දක්වා දිවයින තුළ වර්ෂාපතනය අඩුවීමක් අපේක්ෂා කල හැකි බවත් පැවසීය.

2024-03-11 Meeting with WFP officers  DG office 14ලෝක ආහාර සංවිධානයේ පූර්වාපේක්ෂක ක්‍රියාමාර්ග වැඩමුළුව සඳහා වන කලාපීය උපදේශිකා සුමයියා කාබීර් (Sumaiya Kabir) සහ මෙරට ක්‍රියාත්මක ආපදා ප්‍රත්‍යස්ථතා, හදිසි පෙරසුදානම් සහ සමාජ ආරක්ෂණය ප්‍රධානී රුෂිණි පෙරේරා යන මහත්මියන් ගේ ප්‍රධානත්වයෙන් යුතු ලෝක ආහාර සංවිධානයේ නියෝජිත කණ්ඩායමක් මාර්තු 11 වන දින ආපදා කළමනාකරණ මධ්‍යස්ථානයේ නව අධ්‍යක්ෂ ජනෙරාල් හමුවිය.

Heeting 2024

මේ දිනවල දිවයිනට බලපා ඇති අධික උණුසුම් කාලගුණික තත්ත්වය තවදුරටත් පැවතිය හැකි බව කාලගුණවිද්‍යා දෙපාර්තමේන්තුව විසින් නිවේදනය කර ඇත.

එම දෙපාර්තමේන්තුව විසින් අද දින (01) නිකුත් කර ඇති කාලගුණික නිවේදනයට අනුව බස්නාහිර, වයඹ, සබරගමුව සහ දකුණ යන පළාත් සහ මන්නාරම දිස්ත්‍රික්කයේ ද හෙට (02) දින උණුසුම් දර්ශකය (Heat Index) වැඩි අවධානය යොමු කළ යුතු මට්ටමක පවතී යැයි අපේක්ෂා කරන බව කාලගුණවිද්‍යා දෙපාර්තමේන්තුව විසින් අවවාදාත්මක නිවේදනයක් නිකුත් කරමින් දන්වා සිටී.

මේ හේතුවෙන් විජලනය සහ ලවන ඉවත්වීම නිසා ඇතිවිය හැකි මස්පිඩු පෙරලීම, අධික උෂ්ණත්වය නිසා ඇතිවන අධික මහන්සිය, එසේම අධික උෂ්ණත්වයේ ළමුන් ක්‍රියාකාරකම්වල නිරතවීම තුළින් ශරීර උෂ්ණත්වය නියාමනය කිරීම අඩපන වී ආඝාත තත්වය ඇතිවිය හැකි බවත් එම නිවේදනයේ වැඩිදුරටත් සදහන් වේ.

DMC NEW DG ASINGE DUTIES 2024 2ආපදා කළමනාකරණ මධ්‍යස්ථානයේ නව අධ්‍යක්ෂ ජෙනරාල්වරයා වශයෙන් විශ්‍රාමික මේජර් ජෙනරාල් උදය හේරත් මහතා අද දින (07) වැඩ භාරගන්නා ලදී. වසර 34 යුධ හමුදා සේවයේ රාජකාරි ඉටුකර ඇති විශ්‍රාමික මේජර් ජෙනරාල් උදය හේරත් මහතා ශ්‍රී ලංකා යුධ හමුදාවේ ජ්‍යෙෂ්ඨ නිළධාරියෙකි. කොළඹ රාජකීය විද්‍යාලයෙන් මුලික අධ්‍යාපනය හදාරා ඇති ඒ මහතා ඉන්දියාවේ ඔස්මානියා (Osmania) විශ්වවිද්‍යාලයෙන් පළමු පෙළ පන්ති සාමාර්ථයක් සහිතව කළමනාකරණය පිළිබද පශ්චාද් උපාධිය හිමිකරගෙන ඇත. එසේම ඉන්දියාව, බංගලිදේශය, පාක්ස්ථානය, කෙන්යාව සහ ඇමරිකා එක්සත් ජනපදය යන රටවලින් වෘත්තීය අධ්‍යාපනය හදරා ඇති මේජර් ජෙනරාල් උදය හේරත් මහතා ජෙනරාල් ශ්‍රීමත් ජෝන් කොතලාවල ආරක්ෂක විශ්ව විද්‍යාලයේ ආරක්ෂක සහ උපායමාර්ගික අධ්‍යයන පීඨයයෙහි පීඨාධිපති වශයෙන් ද කටයුතු කර ඇත.

වසර 34 ක සේවා කාලය තුළ 52, 53 සහ 61 වන සේනාංකවල සේනාංකාධිපති, යාන්ත්‍රික පාබල රෙජිමේන්තුවෙහි රෙජිමේන්තු අධිපති, කොතලාවල ආරක්ෂක විශ්වවිද්‍යාලයේ අණදෙන නිලධාරී, යුධ සේවා ලේකම්, යුධ හමුදා පුහුණු විධාන අධ්‍යක්ෂ සහ සුඩානයේ එක්සත් ජාතීන්ගේ දූත මණ්ඩලයේ (UNMIS) හමුදා නිරීක්ෂක නිලධාරියා වශයෙන් ද කටයුතු කර ඇත. ශ්‍රි ලංකා යුද්ධ හමුදාවේ විවිධ ක්ෂේත්‍රයන්හි තනතුරු රාශියක් දරා ඇති මේජර් ජෙනරාල් උදය හේරත් මහතා රණවික්‍රම පදක්කම් 05 ක්, රණශූර පදක්කම් 02 ක්, විශිෂ්ට සේවා විභූෂණ සහ උත්තම සේවා ඇතුලු සේවා ඇගැයීම් පදක්කම් රාශියක් ද හිමි කරගෙන ඇති යුධ හමුදාව තුළ විවිධ පරාශයන් තුළ වගකීම් දරා ඇති ජ්‍යෙෂ්ඨ නිළධාරියෙකි.

Revised Preparedness  Planing concept at Local level 2024 4වර්ෂ 2030 වන විට සපුරාගත යුතු අනෙකුත් ගිවිසුම් හා සම්මුතීන් වන “සෙන්දායි ‍රාමුව (2015 -2030)” “තිරසාර සංවර්ධන ඉලක්ක 2015-2030” සහ “දේශගුණික විපර්යාස සම්බන්ධ පැරිස් සමම්මුතිය 2015-2030” වැනි ගිවිසුම් ක්‍රියාත්මක කිරීම සඳහා එක්සත් ජාතීන්ගේ සංවිධානයේ සාමංජිකයින් වශයෙන් කටයුතු කරන ලොව සෑම රටක්ම එකඟත්වයකට පැමිණ ඇත.

2015 වර්ෂයේ දී පවත්වන ලද ආපදා අවදානම් අවම කිරීම සම්බන්ධ එක්සත් ජාතීන්ගේ තෙවන ලෝක සමුළුවට අනුව එක්සත් ජාතීන්ගේ මහා සමුළුව විසින් ආපදා අවදානම් අවම කිරීම සඳහා වන සෙන්දායි රාමුව පිළිගෙන තිබෙන අතර එමගින් ආපදා අවදානම සහ ආපදා නිසා සිදුවන ජීවිත, ජීවනෝපාය හා සෞඛ්‍යමය හානි මෙන්ම පුද්ගලයෙකුගේ, ව්‍යාපාරයක, ප්‍රජාවක හෝ රටක සිදුවිය හැකි ආර්ථික, භෞතික, සමාජයීය, සංස්කෘතික සහ පාරිසරික වත්කම්වලට සිදුවන හානි සැළකිය යුතු මටිටමකින් අවම කිරීම සම්බන්ධව කටයුතු කරයි.

அவசர தொடர்புகள்

117
பொது.: +94 112 136 136
அவசர நடவடிக்கை நிலையம்:+94 112 136 222 /
+94 112 670 002
தொலைநகல்: +94 112 878 052