rss

 

දිවයිනට බලපා ඇති ආපදා තත්වය පිළිබද අවධානය යොමු කෙරේ.

Minister Visit 2019-12
දිවයිනට බලපාන ආපදා තත්වය පිළිබද සමාලෝචන සැසියක් රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍ය ජනක බණ්ඩාර තෙන්නකෝන් අමාත්‍යතුමා‍ගේ හා රාජ්‍ය පරිපාලන හා ස්වදේශ කටයුතු රාජ්‍ය අමාත්‍ය මහින්ද සමරසිංහ අමාත්‍යතුමාගේ ප්‍රධානත්වයෙන් අද දින (02) කොළඔ 07, විද්‍යා මාවතේ ආපදා කළමනාකරණ අමාත්‍යාංශ ශ්‍රවනාගාරයේ දී පැවැත්වීය.
දැනට සක්‍රියවෙමින් පවත්නා ඊසාන දිග මෝසම් තත්වය පිළිබද විශේෂ අවධානය යොමු කරමින් ඇතිවිය හැකි ආපදා අවදානම් අවම කර ගැනිම හා විපතට පත්වන ජනතාවට සහන සැලසීම සදහා කඩිනම් වැඩපිලිවෙලක් සැලසුම් කිරිමටත් ඒ සදහා ආපදා කළමනාකරණ ක්‍රියාවලියට සම්බන්ධව කටයුතු කරන සියළුම පාර්ශවකරුවන් සහ සංවිධාන ඒකාබද්ධව ක්‍රියා කිරීමට අවශ්‍ය වැඩපිළිවළක් සක්ස් කිරීමට නිළධාරීන්ට උපදෙස් ලබාදෙන ලදී.
එසේම දැනට ආපදාවට ලක්වි ඇති දිස්ත්‍රික් 11 හි දිස්ත්‍රික් ලේකම්වරු හා ප්‍රාදේශීය ලේකම් කොට්ඨාශ 35 හි ප්‍රාදේශීය ලේකම්වරු හා අනෙකුත් නිළධාරීන් සමග නිරන්තරව ජනතාවට අවශ්‍ය කඩිනම් සහන සැලසීම කටයුතු කිරීමට උපදෙස් ලබාදෙන ලදී.

Bad Weatherදිවයින පුරා පවතින වැසි තත්ත්වය තවදුරටත්.

උතුර, වයඹ, බස්නාහිර, සබරගමුව, මධ්‍යම සහ දකුණු පළාත්වලත් අනුරාධපුර දිස්ත්‍රික්කයේත් ඇතැම් ස්ථානවලට මි.මී. 100-150 පමණ තද වර්ෂාපතනයන් ඇතිවිය හැක. (විශේෂයෙන්ම යාපනය, කිලිනොච්චි, මන්නාරම, පුත්තලම, කුරුණෑගල, ගම්පහ, කොළඹ, කළුතර, රත්නපුර, කෑගල්ල, මහනුවර, නුවර-එළිය, ගාල්ල, මාතර සහ අනුරාධපුර දිස්ත්‍රික්කවල) සෙසු ප්‍රදේශවල ඇතැම් ස්ථාන වලට මි.මී 75-100 ක පමණ තරමක් තද වර්ෂාපතනයන්ද ඇතිවිය හැකි බව කාලගුණවිද්‍යා දෙපාර්තමේන්තුව නිවේදනය කරයි.
එසේම කන්කසන්තුරය සිට මන්නාරම සහ පුත්තලම හරහා ගාල්ල දක්වා වන මුහුදු ප්‍රදේශවල ඇතැම් ස්ථානවලට තද වැසි ඇති විය හැක. දිවයින වටා මුහුදු ප්‍රදේශවල සුළඟේ වේගය පැ.කි.මි. 20-40 පමණ වන අතර කන්කසන්තුරය සිට මන්නාරම සහ පුත්තලම හරහා ගාල්ල දක්වා මුහුඳු ප්‍රදේශවල සුළඟේ වේගය විටින් විට පැ.කි.මි. 50 දක්වා ඉහල ඉහල යාමට හැකියාවක් පවතින අතර දිවයින වටා මුහුදු ප්‍රදේශ විටින් විට තරමක් රළු විය හැකි බව එම නිවේදනයේ සදහන් වේ. ගිගුරුම් සහිත වැසි ඇති වන විට එම මුහුදු ප්‍රදේශවල (පැ.කි.මී. 70-80 දක්වා) තාවකාලිකව තද සුළං ඇති විය හැකි අතර එවිට එම මුහුදු ප්‍රදේශ තාවකාලිකව ඉතා රළු විය හැකි බව තවදුරටත් නිවේදනයේ සදහන් වේ.
පසුගිය පැය විසි හතරක කාලය සලකාබලන විය අත්තනගලු ඔයේ ජල මට්ටම දූනමලේ ජල මිනුම් ස්ථානයේ අවධානම් මට්ටමේ පවතී. මා ඔයේ ජල මට්ටම බඩල්ගම ප්‍රදේශයේ දී අවදානම් මටට්මක පවතින බව වාරිමාර්ග දෙපාර්තමේන්තුව නිවේදනය කර ඇත.

 

වායුගෝලීය දුෂණ තත්වය පහවගොස් ඇති හෙයින් සුපුරුදු ආකාරයෙන් කටයුතු කළ හැක

 DSC0797Health

දැනට වායුගෝලයේ පවතින්නා අහිකර තත්වය පහව යනු ඇති බව තාක්ෂණික ආයතන විසින් දන්වා තිබෙන බවත් එසේ වුවත් වායු ගෝලය තුළ මෙවැනි අහිතකර තත්වයන් ඇති වුවහොත් ස්වසන පද්ධතිය ආශ්‍රිත ආසාධන ඇතිවිය හැකි බව සෞඛ්‍ය, පෝෂණ සහ දේශීය වෛද්‍ය අමාත්‍යාංශ පාරිසරික සහ වෘත්තීය සෞඛ්‍ය අංශයේ අධ්‍යක්ෂ තිලක් සිරිවර්ධන මහතා අද දින (07) ආපදා කළමනාකරණ මධ්‍යස්ථානයේ පැවති මාධ්‍ය සාකච්ඡාවේ දී පැවසීය.

වායුගෝලීය අයහපත් තත්වය පිළිබද නිරන්තර අවධානය යොමුකරනවා.

Press 2019-11-07 පවතින වායුගෝළීය අයහපත් තත්වය පිළිබදව නිරන්තරයෙන් අදාල කාක්ෂණික ආයතන සමග සම්බන්ධීකරණය පවත්වාගෙන යමින් අදාල තත්වයන් පිළිබදව ජනතාව දැනුවත් කිරීමට කටයුතු කරන බව ආපදා කළමනාකරණ මධ්‍යස්ථානය පෙන්වා දෙයි. ආපදා කළමනාකරණ මධ්‍යස්ථානයේ දී අද දින පැවති ප්‍රවෘත්ති සාකාච්ඡාවකට එක්වෙමින් ආපදා කළමනාකරණ මධ්‍යස්ථානයේ අධ්‍යක්ෂ ජෙනරාල් ඩබ්ලිව් ඒ ධර්මසිරි මහතා මේ බව පැවසීය.

 

පවතින වායුගෝලීය අයහපත් තත්වය ක්‍රමිකව අඩුවී ඇත.

 DSC0794 NBRO පසුගිය දින කීපය තුල දී සාමාන්‍ය වායුගෝලයේ පවතින කුඩාම අංශු ප්‍රමාණය සැලිය යුතු මට්ටමකින් වැඩිවී තිබු බවත් එය ක්‍රමිකව අඩුවීමේ ප්‍රවනතාවයක් පෙන්නුම් කරන බවත් ජාතික ගොඩනැගිලි පර්යේෂණ සංවිධානය සහ මධ්‍යම පරිසර අධිකාරිය පවසයි. ආපදා කළමනාකරණ මධ්‍යස්ථානයේ දී අද (07) දින පැවති මාධ්‍ය දැනුවත් කිරීමේ අවස්ථාවට සම්බන්ධවෙමින් ඒ බව පෙන්වා දෙන ලදී.

රට තුළ ස්ථානීය වශයෙන් සිදුකරන පරීක්ෂණවලට අනුව වායු තත්ව දර්ශකය ඉහළ 150 ක තරම් ඉහළ අගයක් පෙන්නුම් කර ඇත. එය මිනිස් සිරුරට අහිතකර විය හැක. මිනිස් සිරුරට හිතකර මට්ටමට දක්වා එනම් වායු තත්ව දර්ශකය අඩු මට්ටමකට පැමිණෙමින් පවතින බවත් දර්ශක අගය මේවන විට (07) 50-100 ත් අතර මට්ටමකට පැමිණ ඇති බව ජාතික ගොඩනැගිලි පර්යේෂණ සංවිධානය පවසයි. වායු තත්ව දර්ශකය 50 වඩා අඩු මට්ටමක පවතීනම් එය ජීවත්වීමට යෝග්‍ය වායු ගෝලීය තත්වයක් බවත් 50 – 100 ත් අතර අගයක් ගනීනම් එය තරමක් සාමාන්‍ය මට්ටම ලෙසත් දර්ශක අගය 100 වඩා වැඩිනම් ස්වසන ආබාධ ඇති අයට අපහසු වන බවත් දර්ශක අගය 150 ට වැඩි නම් සාමාන්‍ය අයට ද යම් සංකූලතා ඇති විය හැකි බවත් ගොඩනැගිලි පර්යේෂණ සංවිධානය පවසයි.

ඉහළ වායුගෝලිය සුළං හේතුවෙන් අප පැමිණෙ සුළං ධාරාවල පවතින අංශුමය ද්‍රව්‍ය සහ අපගේ පරිසරයේ පවතින අංශුමය ද්‍රව්‍ය හේතුවෙන් මෙම තත්වය නිර්මාණය වී ඇති බවත් ජාතික ගොඩනැගිලි පර්යේෂණ සංවිධානය පෙන්වා දෙයි. නමුත් ඒ සදහා බල පෑ කාරණය නිශ්චිතවම පැවසිය නොහැකි බවත් තවදුරතට ඒ පිළිබදව නිරන්තරයෙන් පරීක්ෂණ පවත් වන බවත් පෙන්වා දෙන ලදී.

 

හදිසි ඇමතුම්

117
පොදු අංකය: +94 112 136 136
හදිසි මෙහෙයුම් මධ්‍යස්ථානය:+94 112 136 222 /
+94 112 670 002
ෆැක්ස් අංකය: +94 112 878 052