කොළඹ දිස්ත්‍රික්කයේ ගංවතුර අවදානම් අවමකිරීම සඳහා කෙටිකාලීන, මධ්‍යකාලීන සහ දිගු කාලීනව ක්‍රියාත්මක කළ යුතු ව්‍යාපෘති හඳුනාගෙන ක්‍රියාත්මක කිරීම සඳහා ක්‍රමවත් වැඩපිළිවළක් සැකසීම වෙනුවෙන් ප්‍රාදේශීය මටිටමින් ක්‍රියාත්මක කළ යුතු වැඩසටහන් හඳුනා ගැනීම සඳහා වන මුලික සාකච්ඡාවක් ආපදා කළමනාකරණ මධ්‍යස්ථානයේ අධ්‍යක්ෂ ජනරාල් විශ්‍රාමික මේජර් ජනෙරාල් සම්පත් කොටුවේගොඩ මහතාගේ ප්‍රධානත්වයෙන් අද දින (3/20) ආපදා කළමනාකරණ මධ්‍යස්ථාන ශ්‍රවනාගාරයේදී පැවැත් විය.
මාර්තු මස 11 වන දින පැවති කොළඹ දිස්ත්‍රික් සම්බන්ධීකරණ කමිටුවේ දී එහි සභාපති පාර්ලිමේන්තු මන්ත්‍රී ලක්ෂ්මන් නිපුනආරච්චි මහතා විසින් ලබාදී ඇති උපදෙස් අනුව කොළඹ දිස්ත්‍රික්කයේ ගංවතුර අවදානම් අවමකිරීම සදහා වු වැඩපිළිවෙළක් සකස් කිරීමේ මුලික අරමුණින් මෙම වැඩසටහන සංවිධානය කරන ලදී.
ආපදා අවදානම හදුනාගැනීම, පුර්ව අනතුරු ඇගවීම් පද්ධති සහ අවදානම තක්සේරු කිරීම සහ ඒ අනුව ආපදාවලට ඔරොත්තු දෙන ආකාරයෙන් යටිතල පහසුකම් සහ නාගරීකරණ සැලසුම් ප්‍රවර්ධනය කිරීම අධි ජනගනත්වයක් සහිත නාගරික ප්‍රදේශව වල මහජනතාවට සහ යටිතල පහසුකම් සහ පරිසරයට ආපදාවලින් ඇතිවන බලපෑම් අවම කිරීම සඳහා ඉතා වැදගත් බව මෙම අවස්ථාවේ අදහස් දක්වමින් ආපදා කළමනාරණ මධ්‍යස්ථානයේ අධ්‍යක්ෂ ජනෙරාල්වරයා පැවසීය.
මෙවර සාමාන්‍ය පෙළ විභාගය පැවැත්වෙන කාල සීමාව තුළ ඇති විය හැකි අනපේක්ෂිත කාලගුණික තත්ත්වයන් හේතුවෙන් ඇතිවිය හැකි බාධා මගහරවා ගනිමින් මෙවර ද සාමාන්‍ය පෙළ විභාගය පවත්වා ගෙනයාම සදහා අවධානය යොමුකරමින් ආපදා කළමනාකරණ මධ්‍යස්ථානය සහ විභාග දෙපාර්තමේන්තුව එක්ව විශේෂ ඒකාබද්ධ වැඩසටහනක් ක්‍රියාත්මක කිරීමට සැලසුම් කර ඇත. මේ පිළිබඳව ජාතික මට්ටමේ සිට දිස්ත්‍රික් මට්ටම දක්වා අදාල සියලු අංශ දැනුවත් කිරීම ආපදා කළමනාකරණ මධ්‍යස්ථානයේ අධ්‍යක්ෂ ජනෙරාල් විශ්‍රාමික මේජර් ජනෙරාල් සම්පත් කොටුවේගොඩ මහතාගේ ප්‍රධානත්වයෙන් දි පසුගිය දා ආපදා කළමනාකරණ මධ්‍යස්ථානයේදී පවත්වන ලදී.
මෙම සැළසුම ක්‍රියාත්මක කිරීම තුළින් මෙවර සාමාන්‍ය පෙළ විභාග කාල සීමාව තුළ දී ආපදා හේතුවෙන් සිසුන්ට මුහුණදීමට සිදුවිය හැකි බාධා මග හැරගනිමින් සාර්ථකව විභාගයට මුහුණදීමට අවශ්‍ය යහපත් පරිසරයක් නිර්මාණය කිරීම අපේක්ෂා කරන ලදී. ඒ අනුව මෙවර සාමාන්‍ය පෙළවිභාගය කාලසීමාව තුළ විභාගයට පෙනී සිටින දූදරුවන්ට මෙන්ම විභාග රාජකාරි සඳහා සම්බන්ධ වන නිලධාරීන් හට ආපදා හේතුවෙන් මුහුණුදීමට සිදුවිය හැකි බාධා මග හැරගැනීම සදහා හදිසි ප්‍රතිචාර දැක්වීමේ සම්බන්ධීකරණ යාන්ත්‍රණය ශක්තිමත් කිරීමටත් සියලු පාර්ශ්වකාර ආයතන විසින් ඉටු කළ යුතු වගකීම් මෙම ඒකාබද්ධ සැලැස්ම තුළින් පෙන්වා දී ඇත.
ආපදා කළමනාකරණ මධ්‍යස්ථානය විසින් විභාග දෙපාර්තමේන්තුව සමග ත්‍රිවිධ ත්‍රිවිධ හමුදාව පොලීසිය ඇතුලු ආපදා කළමනාකරණ ක්‍රියාවලිය හා සම්බන්ධ පාර්ශවකාර ආයතන සම්බන්ධීකරණයෙන් විභාගය පැවැත් වෙන කාල සීමාව තුළ ඇතිවිය හැකි බාධා කළමනාකරණය කර ගැනීම සදහා අවශ්‍ය මාර්ගෝපදේශ අදාල අංශ වෙත මේ වන විටත් නිකුත් කිරීමට කටයුතු කර ඇත.
Sri Lanka has taken a significant step forward in enhancing its disaster management capabilities by convening the first meeting of the National Anticipatory Action (AA) Working Group on March 4th, at the Water’s Edge Hotel. As the country’s AA initiatives continue to grow, there is a recognized need for effective coordination and technical guidance to successfully integrate anticipatory action into the national disaster management system, in line with the National Disaster Management Plan.
In response to this need, the Disaster Management Centre (DMC), the mandated agency for coordinating national disaster risk management efforts, has established the National Anticipatory Action Working Group. The group will play a pivotal role in streamlining anticipatory action efforts across the country.
Major General (Retd.) Udaya Herath, Director General of the DMC, stressed the importance of building a shared understanding of anticipatory action among all stakeholders, including government bodies, humanitarian organizations, and other key actors. He also emphasized the need for aligning AA initiatives with key international frameworks such as the Sendai Framework for Disaster Risk Reduction (SFDRR), the Sustainable Development Goals (SDG), and the Paris Agreement on Climate Change (COP21), the National Disaster Management Plan 2023-2030, and "Clean Sri Lanka" government policy initiatives.
ශ්‍රී ලංකා යුධ හමුදාවෙහි කීර්තිමත් නිලධාරියෙකු වන මේජර් ජෙනරාල් සම්පත් කොටුවේගොඩ (විශ්‍රාමික)එන්ඩීසී අයිජී මහතා ආපදා කළමනාකරණ මධ්‍යස්ථානයේ නව අධ්‍යක්ෂ ජනරාල් වශයෙන් අද දින (03/08) වැඩ භාර ගැනීම සිදු කරන ලදී.
ආගමික වතාවත් අනුව අධ්‍යක්ෂ ජනරාල් තනතුරෙහි වැඩ භාරගැනීමෙන් පසු මෙම අවස්ථාවට සහභාගී වු නිළධාරීන් අමතමින් ආපදා හේතුවෙන් මහජනතාවට සිදුවන පීඩාවන් අවම කිරීම වෙනුවෙන් ආපදා අවම කිරීම, පෙර සූදානම් කටයුතු සිදුකිරීම, මහජන දැනුවත් කිරීම්, අවදානමට ලක්ව ඇති ජනතාව වෙත පූර්ව අනතුරු ඇඟවීම් නිකුත් කිරීම, හදිසි අවස්ථා මෙහෙයුම් කටයුතු සහ අනිකුත් ප්‍රධාන ආයතන හා එක්ව සහන සහ පශ්චාත් ව්‍යසන කටයුතු සම්බන්ධීකරණය කිරීම තම වගකීම බව පෙන්වා දෙන ලදී. තවද, මෙම වගකීම් ඉටු කිරීම සඳහා මෙම තනතුරට තමා තෝරාගැනීම වෙනුවෙන් ජනාධිපතිතුමාටත්, නියෝජ්‍ය ආරක්ෂක අමාත්‍යතුමාටත් ආරක්ෂක ලේකම්තුමාටත් සිය ස්තුතිය පිරිණමන ලදී.
ආයතනයේ සේවය කරනු ලබන සියලුම නිළධාරීන්ගේ දැනුම, අත්දැකීම් සහ දශක තුනක රාජකාරී කාලය තුළ විවිධ භූමිකා දරමින් තමා ලබාගත් දැනුම සහ අත්දැකීම් ද නව තනතුරේ වගකීම් ඉටු කිරීමට උපයෝගී කරගැනීමට තමා බලාපොරොත්තු වන බවත්, කණ්ඩායමක් වශයෙන් එකමුතුව සුහදත්වයෙන් යුතුව කටයුතු කිරීමේ වැදගත්කම සහ අපගේ ප්‍රජාවන් ආරක්ෂා කිරීම සඳහා වෙහෙස නොබලා, බොහෝවිට තිරය පිටුපස සිටින සැමගේ කැපවීම, විශේෂඥභාවය සහ එහි නිලධාරීන්ගේ වෘත්තීයභාවය අනිවාර්යය සාධකයක් වන බව තරයේ විශ්වාස කරන බවත්, එම හැකියාවන් තවදුරටත් වර්ධනය කරගත යුතු බව අවධාරණය කරන ලදී.
දශක තුනකට අධික කාලයක් ශ්‍රී ලංකා හමුදාවේ කීර්තිමත් නිළධාරියෙකු වන මේජර් ජෙනරාල් කොටුවේගොඩ එන්ඩීසී අයිජී මහතා උපාය මාර්ගික නායකත්වය, අර්බුද කළමනාකරණය සහ ජාතික ආරක්ෂක විශේෂඥතාව යන ක්ෂේත්‍ර යටතේ සුවිශේෂ දැනුම් සම්බාරයක් හිමි නිළධාරියෙකු වන අතර, 1986 දී කැඩෙට් නිලධාරියෙකු ලෙස ශ්‍රී ලංකා යුධ හමුදාවේ සේවයට බැඳී පුහුණුවෙන් පසු ශ්‍රී ලංකා කාලතුවක්කු රෙජිමේන්තුවට සම්බන්ධ වූ මේජර් ජෙනරාල් කොටුවේගොඩ එන්ඩීසී අයිජී මහතා වසර 36කට ආසන්න කාලයක් ශ්‍රී ලංකා යුධ හමුදාවෙහි වෘත්තීය ජීවිතය තුළ බලසේනාධිපති, අණදෙන නිලධාරි, සේනාංකාධිපති, ශ්‍රී ලංකා කාලතුවක්කු රෙජිමේන්තුවේ කර්නල් සේනාවිධායක, ආරක්ෂක සේනා ආඥාපති, ශ්‍රී ලංකා හමුදාවේ ස්වේච්ඡා හමුදාවේ සේනාවිධායක සහ නියෝජ්‍ය මාණ්ඩලික ප්‍රධානී ලෙස සේවය කර ඇත.
කළමනාකරණය පිළිබඳ ශාස්ත්‍රපති උපාධිය සහ ජාතික ආරක්ෂක පරිපාලනය පිළිබඳ ශාස්ත්‍රපති උපාධිය හිමිකරගෙන ඇති මේජර් ජෙනරාල් කොටුවේගොඩ එන්ඩීසී අයිජී මහතා ඇමරිකා එක්සත් ජනපදය, ඉන්දියාව, පකිස්ථානය, ජපානය, බංග්ලාදේශය, පිලිපීනය සහ චීනය ඇතුළු රටවල් කිහිපයක යුධ හමුදා සහ ආපදා ප්‍රතිචාර පිළිබඳව විදේශ පුහුණු ලබා ඇත.
පළමු අන්තර් මෝසම් කාලසීමාව වන මාර්තු සිට අප්‍රේල් දක්වා කාලසීමාට තුළ අපට අකුණු අනතුරු බහුලව වාර්තාවන කාලසීමාවක් වන බැවින් අප අකුණු අනතුරු අවම කරගැනීමට කටයුතු කළ යුතු වන අතර මේ දිනවල බස්නාහිර, මධ්‍යම, සබරගමුව සහ දකුණු පළාත්වල මොනරාගල දිස්ත්‍රික්කයේ සවස් කාලයේදී හෝ රාත්‍රී කාලයේදී තැනින් තැන ගිගුරුම් සහිත වැසි සමග ප්‍රභල අකුණු ඇතිවීමේ වැඩි හැකියාවක් පවතින බව කාලගුණ විද්‍යා දෙපාර්තමේන්තුව නිවේදනය කර ඇත.
එබැවින් ගිගුරුම් සහිත වැසි ඇති වන අවස්ථාවල තාවකාලිකව තද සුළං ඇති විය හැකි අතර අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස එම දෙපාර්තමේන්තුව ජනතාවගෙන් ඉල්ලා සිටියි.
News & Events
- කොළඹ දිස්ත්‍රික්කයේ ගංවතුර අවදානම් අවමකිරීම සඳහා ව්‍යාපෘති හඳුනාගෙන ක්‍රියාත්මක කිරීම සඳහා ක්‍රමවත් වැඩපිළිවළක් සැකසීම.
- සාමාන්‍ය පෙළ විභාග කාලසීමාව තුළ ආපදා හේතුවෙන් ඇතිවිය හැකි බාධා වළක්වා ගැනීම
- ආපදා කළමනාකරණ මධ්‍යස්ථානයේ නව අධ්‍යක්ෂ ජනරාල් මේජර් ජෙනරාල් සම්පත් කොටුවේගොඩ (විශ්‍රාමික) එන්ඩීසී අයිජී
- National Anticipatory Action Working Group to Strengthen Disaster Management
- අකුණු අනතුරු වලින් ආරක්ෂා වෙමු.
Call Center
117+94 112 670 002