මධ්යම බෙංගාල බොක්ක ප්රදේශයේ පවතින ‘ගජ’ සුළි කුණාටුව අද(14) දින උදෑසන 08.30 වන විට කන්කසන්තුරය සිට ආසන්න වශයෙන් කි.මී 650 පමණ ඊසාන දෙසින් උතුරු අක්ෂාංශ 13.0 සහ නැගෙනහිර දේශාංශ 85.1 ආසන්නයේ ස්ථානගතව පවතින බවත් මෙම පද්ධතිය ඉදිරි පැය 12 තුලදී බටහිරට බරව නිරිත දෙසට ගමන් කරමින් තවදුරටත් චණ්ඩ සුළි කුණාටුවක් දක්වා වර්ධනය වනු ඇතැයි ද කාලගුණ විද්ය දෙපාර්තමේන්තුව නිවේදනය කරයි.
නොවැම්බර් මස 15 දින සවස් කාලයේ / ලංකාවේ උතුරු වෙරළ තීරය ආසන්නයෙන් ගමන් කොට දකුණු තමිල්නාඩු වෙරළ වෙත ගමන් කරනු ඇතැයි ද තවදුරටත් නිවේදනයේ සදහන් කර ඇත.
මෙම සුළි කුණාටු පද්ධතියේ බලපෑම හේතුවෙන් උතුර සහ උතුරු-මැද පළාත්වලත් පුත්තලම සහ ත්රිකුණාමලය දිස්ත්රීක්කවලත්, නොවැම්බර් මස 14 දින සවස් කාලයේ සිට 15 දින දක්වා දී වැසි සහ සුළං තත්ත්වයේ වැඩිවීමක් අපේක්ෂා කරයි.
පැවති අධික වර්ෂාපතනය හේතුවෙන් රන්දේනිගල, රන්ටැඹේ සහ වික්ටෝජියා ජලාශ ජල මට්ටම ඉහළ ගොස් ඇත. තවදුරටත් වැසි ඇද හැළුනොත් ජලාශයේ දෙරටු විවෘත්ත කළ හැකි නිසා මහවැලි ගංගාවේ පහළ නිම්න ප්රදේශවල ජීවත් වන ජනතාව ඒ පිළිබදව අවධානයෙන් සිටින ලෙස දැනුම් දේ.
හදිසි අවස්ථාවලදී ස්වේච්ඡාවෙන් ක්රියා කිරීමට කැමති 100,000 යුතු පිරිසක ආපදා මෙහෙයුම් ස්වේච්ඡා බලකායක් ස්ථාපිත කිරීමට අමාත්යාංශය කටයුතු කරමින් සිටින බව වාරිමාර්ග, ජලසම්පත් සහ ආපදා කමනාකරණ අමාත්යාංශ ශ්රවනාගාරයේ දී පැවති මාධ්ය හමුවේ දී විෂය භාර අමාත්ය දුමින්ද දිසානායක අමාත්යවරයා පැවසීය.
එහි මුල් පියවර වශයෙන් ආපදා කළමනාකරණ මධ්යස්ථානය සහ ශ්රී ලංකා බාල දක්ෂ සංගමය ඒකාබද්ධව වසය අවුරුදු 18 වැඩි බාල දකෂ/දක්ෂිකාවන් හට ආපදා කළමනාකරණ ක්රියාවලිය පිළිබද පුහුණුවක් ලබා දී ස්වේච්ඡා බලකායක් ලෙස ස්ථාපිත කිරීමේ සමාරම්භක අවස්ථාව මහනුවර ධර්මරාජ විද්යාලයේ දී 2018-09-21 සිට 23 දක්වා පැවැත්වීමට කටයුතු කරන බව අමාත්යවරයා තවදුරටත් පැවසීය. මෙම වැඩසටහන දීපව්යාප්තව පවැත්වීමට කටයුතු කරන අතර විවිධ වෘත්තීන්ට අයත් සහ ස්වේච්ඡාවෙන් හදිසි අවස්ථාවලදී ක්රියා කිරීමට කැමති 100,000 යුතු පිරිසක් ආපදා මෙහෙයුම් ස්වේච්ඡා බලකායක් ස්ථාපිත කිරීමට ආපදා කළමනාකරණ මධ්යස්ථානය කටයුතු කරනු ඇත.
කඩුගන්නාව නුවර කොළඹ මාර්ගය දෙපස අවදානම් සහිත ගස් ඉවත් කිරීම නිසා (25) විකල්ප මාර්ග භාවිතා කරන්න.
2018.10.25 වන දින කොළඹ නුවර මාර්ගයේ පහළ කඩුගන්නාව කි.මී 97 කණුවේ සිට කි.මී 98 කණුව දක්වා අවදානම් ගස් ඉවත් කිරීමට සැළසුම් කර ඇත. අවදානම් සහිත ගස් ඉවත් කිරීම පෙ.ව. 9.00 සිට ආරම්භ කිරීමට අපේක්ෂිතය.
කොළඹ නුවර මාර්ගය භවිතා කිරීමේ දී ඇතිවි හැකි මාර්ග අපහසුතාවයන් අවම කර ගැනීම සඳහා පහත සඳහන් විකල්ප මාර්ග භාවිතා කරන ලෙස ආපදා කළමනාකරණ මධ්යස්ථානය ඉල්ලා සිටී.
කොළඹ නුවර ප්රධාන මාර්ගයෙහි කරඩුපන මංසන්දියෙන් රඹුක්කන නගරය,හතරලියද්ද හරහා මහනුවර.
මාවනැල්ල,හෙම්මාතගම,ගමිපොල හරහා මහනුවර.
අඹේපුස්ස, කුරුණෑගල හරහා මහනුවර.
වාරිමාර්ග ජලසම්පත් සහ ආපදා කළමනාකරණ අමාත්යාශ ලේකම් සහ ආපදා කළමනාකරණ මධ්යස්ථාන අධ්යක්ෂ ජනරාල්ගේ ප්රධානත්වයෙන් දිවයිනේ ප්රමුඛ පෙළේ පෞද්ගලික අංශයේ සහභාගීත්වයෙන් "ආපදා අවදානම් අවම කිරීම සංවර්ධනයේ ප්රධාන ප්රවාහය තුළට ඇතුළු කිරීමේ ව්යාපෘතිය යටතේ පුද්ගලික අංශයේ පාර්ශවකරුවන් සමග ඉදිරි සැලසුම් සකස් කිරීමේ වැඩසටහන" 2018 09 06 දින බණ්ඩාරනායක අනුස්මරණ ජාත්යන්තර සම්මන්ත්රණ ශාලාවේ දී (BMICH) පවත්වන ලදී. ශ්රී ලංකාව තුළ ක්රියාත්මක බහුජාතික සහ ජාතික මට්ටමේ ව්යාපාරික ආයතන 60 ක නියෝජිතයින් මෙම අවස්ථාවට සහභාගි විය.
ආපදා කළමනාකරණය සදහා පෞද්ගලික අංශය මගින් දෙනු ලබන දායකත්වය, ආපදා සහනසේවා වැඩසටහන්වලින් ඔබ්බට යමින් සිදුකිරීම සදහා මෙම වැඩසටහන ඉවහල් වන අතර ශ්රී ලංකාව තුළ ආපදා අවදානම් අවම කිරීම සංවර්ධනයේ ප්රධාන ප්රවාහය තුළට ඇතුලු කිරීම සදහා සෙන්දායි රාමුවෙහි ප්රධාන අංග වන අවදානම් හදුනාගැනීම, අවදානම් පාලනය, අවදානම් සංවේදී ආයෝජනය සහ අවදානම් අවමකිරීම සදහා පෙරසුදානම්වීම යන අංශ ආවරණය වන පරිදි පුද්ගලික අංශය සදහා මාර්ගෝපදේශ සැකසීම මෙම වැඩමුලුවෙහි ප්රධාන අරමුණ විය.
News & Events
- Training Programme on Mainstreaming Disaster Risk Reduction
- කොළඹ විශ්වවිද්යාලයේ සමාජ විද්යා අධ්යනාංශයේ උපාධි හදාරනු ලබන උපාධී අපේක්ෂකයින් දැනුවත් කිරීම.
- කලුතර ගංවතුර ආපදා අවදානම් කලාපවල ග්රාමීය කමිටු නියෝජිතයින් සඳහා බෝට්ටු හැසිරවීමේ පුහුණුව.
- මොරවැව පුහුණු මධ්යස්ථානයේ පුහුණුව ලබන ශ්රී ලංකා ගුවන් හමුදා නිළධාරීන් ආපදා කළමනාකරණ ක්රියාවලිය පිළිබඳව දැනුවත් කිරීමේ පුහුණු වැඩසටහන
- බුත්තල යුධ හමුදා යුධ විද්යාලයේ ජ්යෙෂ්ඨ අණදෙන්නන්ගේ පාඨමාලා හදාරණ නිළධාරීන් කළමනාකරණ මධ්යස්ථානයේ නිරීක්ෂණ චාරිකාව.
හදිසි ඇමතුම්
117+94 112 670 002