පුත්තලම දිස්ත්රික්කය හරහා හමාගිය සුළං තත්වය නිසා නිවාස රැසකට හානි
අද දින පුත්තලම දිස්ත්රික්කය හරහා හමාගිය සුළං තත්වය නිසා නිවාස 1083 කට පමණ හානි සිදුවී ඇත. හානියෙන් විපතට පත් ජනතාවට සහන සැලසීම සදහා ආපදා කළමනාකරණ මධ්යස්ථානය ජාතික ආපදා සහන සේවා මධ්යස්ථානය විසින් අදාල හානි තක්සේරු මේ වන විටත් කටයුතු සිදුකරමින් පවතී.
කැලෑ ගිණි පාලනය කිරීමට ප්රතිචාර දැක්වීමට වැඩපිළිවළක්
පවතින වියලි කාලගුණික තත්වය හමුවේ කැලෑගිණි ගැනීම් පාලනය කරීම, හදිසි ප්රතිචාර දැක්වීම, පෙරසුදානම සහ තාක්ෂණික ආයතනවල අදහස් ලබාගැනීම සදහා වු සාකච්ඡාවක් ආපදා කළමනාකරණ මධ්යස්ථාන ශ්රවනාගාරයේ දී ඊයේ දින (10) පැවැත්විනි.
වන සංරක්ෂණ දෙපාර්තමේන්තු දත්ත අනුව පවතින වියලි කාලගුණ තත්වය හමුවේ මේ වර්ෂයේ මාර්තු මාසය වන විට වාර්තා වී ඇති කැලෑ ගිණි ගණන 51 කි. එසේම පිළිවලින් 2016 වර්ෂයේ 118 ක් 2017 වර්ෂයේ දී 70ක් සහ 2018 වර්ෂයේ දී 156 ක් 2019 වර්ෂයේ දී 171 ක් කැලැ ගිණි ගැනීම් සිද්ධි වාර්තා වී ඇති බව වන සංරක්ෂණ දෙපාර්තමේන්තු දත්ත අනුව වාර්තා වී ඇත. 2020 වර්කැෂයේ දී කැලෑ ගිණි ගැනීම් හේතුවෙන් හෙක්ටයාර් 196 ක් විනාශ වී ඇත. එසේම 2016 වර්ෂයේ දී 2,887 ක් ද 2017 වර්ෂයේ දී 479 ක් ද 2018 වර්ෂයේ දී 1,184 ක් ද 2019 වර්ෂයේ දී හෙක්ටයාර 1,068 ක භූමි ප්රමාණයක් ද විනාශ වී ඇති බව වන සංරක්ෂණ දෙපාර්තමේන්තු දත්ත මගින් අනාවරණය වේ.
ආපදා අවදානම් කළමනාකරණය පිළිබද දීප ව්යාප්ත චිත්ර තරගාවලිය
පාසල් සිසුන් තුළ ආපදා අවදානම් කළමනාකරණය පිළිබඳ දැනුම අවබෝධය වැඩිදියුණු කිරිම සහ ආපදා අවදානම කළමනාකරණ ක්රියාවලියට පාසල් සිසුන්ගේ දායකත්වය ලබා ගැනිම සඳහා ආපදා කළමනාකරණ මධ්යස්ථානය සහ අධ්යාපන අමාත්යාංශය ඒකාබද්ධව සංවිධානය කරන ලද දීප ව්යාප්ත චිත්ර තරඟාවලියේ අවසන් අදියරයේ තරඟ ඊයේ (09) දින බත්තරමුල්ල අපේ ගම පරිශ්රයේ දී පැවැත්විණි.
“සුනාමියට පෙරහුරුවක් ” උතුරු පළාත කේන්ද්ර කරගනිමින් පැවැත්විය.
අම්පාර. මුලතිව්, යාපනය දිස්ත්රික්ක තුන පාදක කර ගනිමින් සුනාමි ආපදාවන් හේතුවෙන් දැඩි බලපෑම් එල්ල වන පාසල් කිහිපයක් තෝරා ගනිමින් පාසල් සුනාමි පෙරහුරු වැඩසටහනක් පසුගිය දා පවත්වන ලදි.
මෙහිදි අම්පාර දිස්ත්රික්කයේ අල් මහීරා විද්යාලයේ ගුරු - සිසුන් 1,500 ක් පමණ හදිසි ඉවත් කිරිමක් සිදුකිරිමද, මුලතිව් දිස්ත්රික්කයේ කල්ලපාඩු විද්යාලයේ ගුරු - සිසු 800 ක් ආර්. සී. දෙමල මහාවිද්යාලයට හදිසි ඉවත් කිරිමක් සිදුකිරිම සහ යාපනය දිස්ත්රික්කයේ ශාන්ත මෙතෝදිස්ත බාලිකා විද්යාලයේ ගුරු - සිසුන් 2,000 ක් පමණ වඩමවාරච්චි හින්දු විද්යාලයට හදිසි ඉවත් කිරිමක් ද සිදුකරන ලදි. තෝරාගත් මෙම පාසල්වලට අමතරව වෙරළබඩ ආසන්නයේ තවත් පාසල් පහකා ගුරුවරුන් සහ සිසුන් කණ්ඩායම් ද සහභාගි කර ගන්නා ලදි.
කුරුණෑගල සුන්නරාපොළ ගණ අපද්රව්ය බහාලුම් මධ්යස්ථානයේ ගිනි ගැනීම
කුරුණෑගල දිස්ත්රික්කයේ මාස්පොත ප්රාදේශීය ලේකම් කාර්යාලයට අයත් සුන්දරාපොළ ගණ අපද්රව්ය බහාලුම් මධ්යස්ථානයේ පසුගිය දා ගිණ්නක් ඇති විය. මෙම ගින්න පාලනය කිරීම සදහා කුරුණෑගල මහනගර සභාව, කුලියාපිටිය නගර සභාව සහ හලාවත නගර සභාවේ ගිණිනිවින ඒකක සම්බන්ධ වු අතර, වන සංරක්ෂණ දෙපාර්තමේන්තුව, යුධහමුදාව, පොලිසිය සහ ගම්වාසින් සම්බන්ධ කරගනිමින් ගිනිපටි සකස් කරමින් කුනු කන්ද ආශ්රිත ප්රදේශයේ රක්ෂිත වනාන්තරයට ගින්න ව්යාප්තවීම වැළැක්වීම සදහා අවශ්ය පියවර ගන්නා ලදී.
News & Events
- කොළඹ විශ්වවිද්යාලයේ සමාජ විද්යා අධ්යනාංශයේ උපාධි හදාරනු ලබන උපාධී අපේක්ෂකයින් දැනුවත් කිරීම.
- කලුතර ගංවතුර ආපදා අවදානම් කලාපවල ග්රාමීය කමිටු නියෝජිතයින් සඳහා බෝට්ටු හැසිරවීමේ පුහුණුව.
- මොරවැව පුහුණු මධ්යස්ථානයේ පුහුණුව ලබන ශ්රී ලංකා ගුවන් හමුදා නිළධාරීන් ආපදා කළමනාකරණ ක්රියාවලිය පිළිබඳව දැනුවත් කිරීමේ පුහුණු වැඩසටහන
- බුත්තල යුධ හමුදා යුධ විද්යාලයේ ජ්යෙෂ්ඨ අණදෙන්නන්ගේ පාඨමාලා හදාරණ නිළධාරීන් කළමනාකරණ මධ්යස්ථානයේ නිරීක්ෂණ චාරිකාව.
- Sustainable National Anticipatory Action through Preparedness (SNAP) South Asia - National Planning Meeting, Sri Lanka
හදිසි ඇමතුම්
117+94 112 670 002