- You are here:
-
Home
- News & Events
ආරක්ෂක අමාත්යාංශයේ, ආපදා කළමනාකරණ අංශය සහ ආපදා කළමනාකරණ මධ්යස්ථානය 2025 වර්ෂයේ වැඩ ආරම්භ කිරීම අතිරේක ලේකම් කේ. ජී ධර්මතිලක, ආපදා කළමනාකරණ මධ්යස්ථානයේ අධ්යක්ෂ ජනරාල් මේජර් ජෙනරාල් උදය හේරත්, ආරක්ෂක අමාත්යාංශයේ ආපදා කළමනාකරණ අංශ අධ්යක්ෂ ජනරාල් සැලසුම් සහ ප්රධාන මුල්ය නිළධාරී ඇතුලු ආයතන ප්රධානින්ගේ ප්රධානත්වයෙන් සහ සියලු කාර්යය මණ්ඩල නිළධාරීන්ගේ සහභාගීත්වයෙන් ආපදා කළමනාකරණ අංශය පරිශ්රයේ දී අද දින (01) සිදු කෙරිණි.
ජාතික ගීය ගායනයෙන් අනතුරුව රට දැය වෙනුවෙන් දිවි පිදු රණවිරුවන් සහ විවිධ ආපදාවලට ගොදුරුවීම නිසා ජීවිත අහිමි වු ජනතාව සිහිපත් කරමින් විනාඩි දෙකක නිශ්ශබ්දතාවයක් පල කළ කිරීමෙන් අනතුරුව පසුගිය වර්ෂයේ ඉලක්ක ජය ගැනීම සඳහා කැපවීම අගය කරන ලද අතර එම කැප කිරීමේ සාධනීය ප්රතිඵල රටක් වශයෙන් අප අත්පත් කරගෙන සිටින බව මෙම අවස්ථාවේ දී අදහස් දක්වමින් ආපදා කළමනාකරණ අංශයේ අතිරේක ලේකම් කේ .ජී ධර්මතිලක මහතා විසින් ප්රකාශ කරන ලදී.
2004 වර්ෂයේ සුනාමි ව්යසනයෙන් අප රටේ 35,000 කට අධික පිරිසක් මිය ගිය අතර පුද්ගලයින් 5,000 කට වැඩි පිරිසක් අතුරුදහන් වුණ අතර දේපළ, පරිසරය, යටිතල පහසුකම් විනාශ ගණනය කිරීමේ දී රුපියල් බිලියන ගණනකි. එසේම සුනාමි ව්යසනයට ගොදුරු වූ ජනතාවට සිදු වූ සමාජීය බලපෑම ගණන කළ නොහැක. එබැවින් රජය නැවත මෙවැනි විපතකට පත් නොවීමට අවශ්ය ප්රතිපත්තිමය තීරණ අනුව ආපදා කළමනාකරණ යාන්ත්රණයක් රට තුළ ස්ථාපිත කරමින් මහජනතාවට මුහුණ පෑමට සිදු වී ඇති ආපදා අවදානම කළමනාකරණය කිරීම සඳහා කටයුතු කර තිබේ.
එසේම 2005 අංක 15/1975/715/001-1 දරණ අමාත්ය මණ්ඩල පත්රිකාව මගින් 2005 වර්ෂයේ සිට සෑම වර්ෂයකම දෙසැම්බර් මස 26 වන දින “ජාතික සුරක්ෂිත දිනය” වශයෙන් නම්කර තිබෙන අතර 2005 වසරේ මේ දක්වා ආපදා කළමනාකරණ මධ්යස්ථානය විසින් “ජාතික සුරක්ෂිත දින” සුනාමි ව්යසනයෙන් හා විවිධ ආපදාවලින් මියගිය ශ්රී ලාංකිකයින් සිහිපත් කරමින් සර්ව ආගමික වැඩසටහන් සංවිධානය කරනු ලැබේ. එසේම ˝ජාතික සුරක්ෂිත දිනය” යෙදී ඇති දෙසැම්බර් 26 වන දින පෙ.ව. 9.25 සිට පෙ.ව. 9.27 දක්වා රට පුරා විනාඩි දෙකක නිශ්ශබ්දතාවයක් පවත්වා සුනාමි ව්යසනයෙන් හා විවිධ ආපදාවලින් මියගිය ශ්රී ලාංකිකයින් සිහිපත් කරනු ලබයි. එසේම දිවයින ආපදා ප්රත්යස්ථ සමාජයක් බිහි කිරීම වෙනුවෙන් ප්රජා දැනුවත් කිරීම, ආපදා පෙර සූදානම ඇති කිරීම සඳහා විවිධ වැඩසටහන් සංවිධානය කරනු ලැබේ.
මෙවර “ජාතික සුරක්ෂිත දිනය” ප්රධාන සැමරුම් උත්සවය ආරක්ෂක නියෝජ්ය අමාත්යතුමාගේ ප්රධානත්වයෙන් සහ ආරක්ෂක ලේකම්තුමාගේ සහභාගීත්වයෙන් දෙසැම්බර් 26 දින පෙ.ව. 9.00 සිට පෙ.ව. 11.30 දක්වා කොළඹ 07 විද්යා මාවතේ පිහිටි ආරක්ෂක අමාත්යාංශ ආපදා කළමනාකරණ අංශ පරිශ්රයේ දී ද දිස්ත්රික් ලේකම්වරුන්ගේ ප්රධානත්වයෙන් දිවයින පුරා දිස්ත්රික් මට්ටමින් “ජාතික සුරක්ෂිත දිනය” සැමරුම් උත්සව පැවැත්වීමට ආපදා කළමනාකරණ මධ්යස්ථානය කටයුතු සංවිධානය කර තිබේ.
එසේම එළැබෙන දෙසැම්බර් 26 වන දින පෙ.ව. 9.25 සිට පෙ.ව. 9.27 දක්වා රට පුරා විනාඩි දෙකක නිශ්ශබ්දතාව ආරක්ෂා කරමින් සුනාමි ව්යසනයෙන් හා විවිධ ආපදාවලින් මියගිය ශ්රී ලාංකිකයින් සිහිපත් කිරීමට එක්වන්නැයි ආපදා කළමනාකරණ මධ්යස්ථානය සියලු ශ්රී ලාංකික පුරවැසියන්ගෙන් ඉල්ලා සිටී.
සෙන්දායි රාමුගත සම්මුතියේ ඉලක්ක සපුරාගැනීම අරමුණු කරගනිමින් සියලු පාර්ශවකාර ආයතන විසින් 2024 වර්ෂය තුළ ක්රියාත්මක කර ඇති ආපදා අවදානම් අවම කිරීමේ වැඩසටහන්වල ප්රගති සමාලෝචනය කිරීමේ වැඩසටහනක් ආපදා කළමනාකරණ මධ්යස්ථානයේ අධ්යක්ෂ ජෙනරාල් විශ්රාමික මේජර් ජෙනරාල් උදය හේරත් මහතාගේ ප්රධානත්වයෙන් දෙසැමිබර් 17 සහ 18 යන දෙදින තුළ බණ්ඩාරනායක සම්මන්ත්රණ ශාලා පරිශ්රයේ දී පැවැත්විණි.
ආපදාවලට ඔරොත්තු දීමේ හැකියාව ගෝලීය වශයෙන් වර්ධනය කිරීමේ අරමුණෙන් ආපදා අවදානම අවම කිරීම සඳහා වු එක්සත් ජාතීන්ගේ කාර්යාලය විසින් ක්රියාත්මක කරනු ලබන සෙන්දායි රාමුගත සම්මුතිය ගෝලීය ප්රජාව එකඟත්වයෙන් ක්රියාත්මක කරනු ලබයි. ඒ අනුව 2015 වර්ෂයේ සිට 2030 වර්ෂය දක්වා වූ කාල සීමාව තුළ ඉටුකරගත යුතු අරමුණු සාක්ෂාත් කර ගැනීම සඳහා විවිධ පාර්ශවයන් සිදු කර ඇති ක්රියාකාරකම් පිළිබඳව සමාලෝචනය කිරීම වාර්ෂිකව සිදු කරනු ලබන බැවින් රටක් වශයෙන් ශ්රී ලංකාව තුළ ආපදා අවදානම් ක්රියාවලිය තුළ කටයුතු කරනු ලබන පාර්ශවකාර ආයතන විසින් 2024 වර්ෂය තුළ ඉටු කර ඇති කාර්යයභාරය පිළිබඳ සමාලෝචනය කිරීම මෙම වැඩ සටහටන් අරමුණ විය.
ඊසාන දිග මෝසම් තත්ත්වය සක්රීයවීමත් සමග දිවයිනට බල පෑ හැකි ආපදා හානි අවම කර ගැනීම අරමුණු කරගනිමින් පාර්ශවකාර ආයතනවල පුර්ව සුදානම කුමන ආකාරයෙන් පැවතිය යුතුද යන්න පිළිබඳව පාර්ශවකාර ආයතන දැනුවත් කිරීම හා සම්බන්ධීකරණ යාන්ත්රණය ශක්තිමත් කිරීම වෙනුවෙන් සංවිධානය කරන මෝසම් ආපදා පෙරසුදානම් කමිටු දැනුවත් කිරීමේ වැඩසටහන ආපදා කළමනාකරණ මධ්යස්ථානයේ අධ්යක්ෂ ජෙනෙරාල් විශ්රාමින මේජර් ජෙනරාල් උදය හේරත් මහතාගේ ප්රධානත්වයෙන් පසු ගිය දා ආපදා කළමනාකරණ මධ්යස්ථානයේ දී පැවැත්විණි.
පසුගිය වසරවල ඊසාන දිග මෝසම් තත්ත්වය යටතේ සිදු වූ ආපදා තත්ත්වයන් හා හානි පිළිබඳව අවධානය යොමු කරමින් එලැඹෙන මෝසම් වර්ෂාව නිසා ඇති විය හැකි ආපදා හානිය අමව කර ගැනීම සදහා පාර්ශව කාර ආයතනවල පුර්ව සුදානම සොයා බැලීම සහ ඇතිවිය හැකි ආපදා අවදානම හැකිතාක් දුරට අවම කර ගැනීම සදහා අවශ්ය සැලසුම් සකස් කරගැනීම මෙම වැඩසටහනේ මූලික අරමුණ විය. එසේම නිරිත දිග බෙංගාල බොක්ක මුහුදු ප්රදේශය ආශ්රිතව වර්ධනය වූ ෆෙන්ගල් (Fenegal) සුලි කුණාටුව හේතුවෙන් ඇතිවූ අයහපත් කාලගුණික තත්ත්වය හේතුවෙන් ඇතිවු ගංවතුර, අධික සුළං, අකුණු, පස් කණ්ඩි කඩාවැටීම් සහ ගස් කඩාවැටීම් ආදී ආපදා වාර්තා වු අතර මේ හේතුවෙන් බලපෑමට ලක් වු උතුරු නැගෙනහිර සහ උතුරුමැද ආදී දිස්ත්රික්කවලට නැවත ඊසාන දිග මෝසම් සක්රීයවීම තුළ ඇතිවිය හැකි බලපෑම සම්බන්ධව විශේෂ අවධානයක් යොමු කරන ලදී.
නිරිත දිග බෙංගාල බොක්ක මුහුදු ප්රදේශයේ අඩු පීඩන කලාපය හේතුවෙන් වැසි සහිත කාලගුණික තත්ත්වය තවදුරටත්
නිරිත දිග බෙංගාල බොක්ක මුහුදු ප්රදේශයේ අඩු පීඩන කලාපය තවදුරටත් පවතින අතර එය ඉදිරි පැය 24 තුළ බටහිරට බරව වයඹ දෙසට සෙමින් ගමන් කරමින්, ශ්රී ලංකාවේ උතුරු වෙරළ ආසන්නයෙන් තමිල්නාඩු වෙරළ වෙත ළඟා වීමට බොහෝ දුරට ඉඩ ඇති බව කාලගුණවිද්යා දෙපාර්තමේන්තුව නිවේදනය කර ඇත. මෙම පද්ධතියේ බලපෑම හේතුවෙන් උතුරු,උතුරු මැද, නැගෙනහිර, වයඹ, සහ බස්නාහිර පළාත්වල විටින් විට වැසි හෝ ගිගුරුම් සහිත වැසි ඇති විය හැකි බවත් උතුරු පළාතේ ඇතැම් ස්ථානවලට මි.මී. 75 පමණ තරමක් තද වැසි ඇතිවිය හැකි බව දැනුම් දී තිබෙන අතර සෙසු ප්රදේශවල සවස් කාලයේ හෝ රාත්රී කාලයේ තැනින් තැන වැසි හෝ ගිගුරුම් සහිත වැසි ඇතිවිය හැකි බව නිවේදනයේ සඳහන් කර ඇත. මෙම නිවේදනයට අනුව මධ්යම, සබරගමුව, දකුණ, සහ ඌව පළාත්වල උදෑසන කාලයේදී මීදුම් සහිත තත්ත්වයක් පවතී.
එසේම නිරිත දිග බෙංගාල බොක්ක මුහුදු ප්රදේශයේ අඩු පීඩන කලාපය තවදුරටත් පවතින බැවින් අද දිනයේදී ද (දෙසැම්බර් 12) පුත්තලම සිට මන්නාරම සහ කන්කසන්තුරය හරහා මුලතිව් දක්වා වෙරළට ඔබ්බෙන් වන ගැඹුරු සහ නොගැඹුරු මුහුදු ප්රදේශවල ධීවර සහ නාවුක කටයුතුවලින් වැළකී සිටින ලෙස නිවේදනය කර ඇත.
ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණවිද්යා දෙපාර්තමේන්තුව ජනතාවට දැනුම් දී තිබේ.
News & Events
- 2025 වර්ෂයේ වැඩ ආරම්භය
- සුනාමි ව්යසනයට විසි වසරක්, ජාතික සුරක්ෂිත දින සැමරුම දෙසැම්බර් 26
- ඊසාන දිග මෝසම් පුර්ව සුදානම වෙනුවෙන් පාර්ශවකාර ආයතන දැනුවත් කිරීම
- සෙන්දායි රාමුගත සම්මුතියේ ඉලක්ක සපුරාගැනීම පිළිබද ප්රගති සමාලෝචන වැඩසටහන-
- නිරිත දිග බෙංගාල බොක්ක මුහුදු ප්රදේශයේ අඩු පීඩන කලාපය හේතුවෙන් වැසි සහිත කාලගුණික තත්ත්වය තවදුරටත්
Call Center
117+94 112 670 002