නිරිත දිග බෙංගාල බොක්ක මුහුදු ප්‍රදේශය ආශ්‍රිතව වර්ධනය වූ ෆෙන්ගල් (Fenegal) සුලි කුණාටුව හේතුවෙන් දිවයිනේ දිස්ත්‍රික්ක 23කට බලපෑම් සිදු වූ අතර පවතින අයහපත් කාලගුණික තත්ත්වය හේතුවෙන් ඇතිවු ගංවතුර, අධික සුළං, අකුණු, පස් කණ්ඩි කඩාවැටීම් සහ ගස් කඩාවැටීම් ආදී ආපදා තත්ත්වයන් හේතුවෙන් පවුල් 141,151කට අයත් පුද්ගලයින් 475,225ක් පීඩාවට ලක්වී ඇති අතර නිවාස 106 ක් පූර්ණ වශයෙන් හානියට පත් වූ අතර අර්ධවශයෙන් හානියට පත් නිවාස සංඛ්‍යාව 2,516 ක් විය. කුඩා සහ මධ්‍යපරිමාණ ව්‍යාපාරික ස්ථාන 56 ක් හානියට පත් වී ඇත. පැවති අයහපත් කාලගුණික තත්ත්වය හේතුවෙන් සුරක්ෂිත මධ්‍යස්ථාන 345 ක් පමණ පවත්වාගනෙ ගිය අතර පවුල් 11,663 කට අයත් පුද්ගලයින් 36,330 සුරක්ෂිත මධ්‍යස්ථාන සඳහා යොමු කිරීමට කටයුතු කරන ලදී. එසේම ඥාති නිවාසවලට යොමු කළ පවුල් සංඛ්‍යාව 28,324 කි. එම සංඛ්‍යාව පුද්ගලයින් වශයෙන් ළකාබලන විට 94,134 ක් වේ.

ඇතිවූ අයහපත් කාලගුණක තත්ත්වය හේතුවෙන් නිර්මාණය විය හැකි අවදානම් තත්ත්වප පිළිබඳව ආපදා කළමනාකරණ මධ්‍යස්ථානය විසින් දෛනිකව මහජනතාව දැනුවත් කිරීමට කටයුතු කරන ලදී. එසේම කාලගුණවිද්‍යා දෙපාර්තමේන්තුව, වාරිමාර්ග දෙපාර්තමේන්තුව, ජාතික ගොඩනැගිලි පර්යේෂණ සංවිධානය ඇතුලු තාක්ෂණික ආයතන විසින් මහජනතාව දැනුවත් කිරීම සිදු කරන ලද අතර ආපදා හේතුවෙන් පීඩාවට පත් ජනතාවට සහන සේවා සම්බන්ධීකරණ කිරීම සහ විපතට පත් ජනතාව සෙවීම් සහ මුදවගැනීම් සිදු කිරීම සඳහා අදාල පාර්ශවකාර ආයතන සම්බන්ධීකරණය කිරීමට ආපදා කළමනාකරණ මධ්‍යස්ථානය කටයුතු කරන ලදී.

Read more ...

ඔත්තෝබර් මාසය තුළ දිවයිනේ විවිධ ප්‍රදේශවල වාර්තා වු ආපදා තත්ත්වය කළමනාකරණය කරගැනීම සඳහා කටයුතු කිරීම

පවතින අයහපත් කාලගුණික තත්ත්වය හේතුවෙන්  ඇතිවු ගංවතුර, අධික සුළං, අකුණු, පස් කණ්ඩි කඩාවැටීම් සහ ගස් කඩාවැටීම් හේතුවෙන් 14 වන දින 06.00 පැයට තත්ත්ව වාර්තාව අනුව මේ වන විට දිස්ත්‍රික්ක 12 ක පවුල් 34,492කට අයත් පුද්ගලයින් 134,484 ක් පීඩාවට ලක්වී ඇති අතර සුරක්ෂිත මධ්‍යස්ථාන 81 ක පවුල් 1,753 කට අයති පුද්ගලියින් 6,963 රඳවා ඇත. එසේම මෙම ආපදා තත්ත්වයන් නිසා නිවාසයක් පුර්ණ වශයෙන් හානී වී ඇති අතර නිවාස 240 කට අර්ධ හානි සිදු වී ඇති බව වාර්තා වී ඇත. 

පවතින ආපදා තත්ත්වය හේතුවෙන් පීඩාවට පත් ජනතාවට සහන සේවා සම්බන්ධීකරණ කිරීම සහ විපතට පත් ජනතාව සෙවීම් සහ මුදවගැනීම් සිදු කිරීම සහා අපාදා අවදානම් අවම කිරීම සදහා ක්ෂණික ප්‍රතිචාර දැක්වීම් සඳහා අදාල පාර්ශව කාර ආයතන සම්බන්ධීකරණය කිරීමට ආපදා කළමනාකරණ මධ්‍යස්ථානය කටයුතු කරන ලදී.  

කොළඹ දිස්ත්‍රික්කය 

 විපතට පත්වූවන් සෙවීම් සහ මුදවාගැනීම්, සහන සේවා ලබාදීම සිදු කරනු ලබන අතර දිස්ත්‍රික් මට්ටමින් රාජ්‍ය නිළධාරීන් ත්‍රිවිධ හමුදාව සහ පොලීසිය, විවිධ රාජ්‍ය නොවන සංවිධාන ඇතුලු පාර්ශවකාර ආයතන විසින් සිදු කරමින් පවතී. ඒ අනුව කොළඹ දිස්ත්‍රික්කයේ ජලගැලීම් හේතුතුවෙන් පීඩාවට පත් ජනතාව සෙවීම් සහ මුදවාගැනීම් ඊයේ දිනයේ ද (13) සිදු කිරීමට කටයුතු කරන ලදී. ඒ අනුව ආපදා කළමනාකරණ මධ්‍යස්ථානයේ සම්බන්ධීකරණයෙන් යුතුව කොළඹබ දිස්ත්‍රික්කයේ කඩුවෙල ප්‍රාදේශීය ලේකම් කොට්ඨාශයයේ ජල ගැනීම් නිසා බලපෑමට පත් ජනතාව සුරක්ෂිත මධ්‍යස්ථාන වෙත යොමු කිරීමට සහ ආපදා සහන සේවා ලබාදීමට ශ්‍රී ලංකා නාවික හමුදාව කටයුතු කරන ලදී. 

කඩුවෙල ප්‍රාදේශීය ලේකම් කොට්ඨාසශයෙහි ආපදා අවදානම් තත්ත්වය සම්බන්ධීකරණ කිරීම සම්බන්ධයෙන් අද (13) දින පැවති රැස්වීමේ දී අවධානය යොමු කළ කරුනු අතර අඹතලේ ජලපොම්පාගාරය ආශ්‍රිත ජලාශයේ බැම්මෙහි ජල කාන්දුවක් පවතින බවත් එබැවින් ජලාශයේ බැම්ම අස්ථාවර වුවහොත් ජලාශයේ පහල නිම්නයේ ජනතාව දැඩි අවදානමකට ලක්විය හැකි බවත් හදුනා ගන්නා ලදී.

ඒ අනුව වැලිවිට ග්‍රාම නිලධාරී වසමේ අඹතලේ ජල පොම්පාගාරයේ ආශ්‍රිත ජලාශයේ බැම්මෙහි ඇති වී ඇති ජල කාන්දුව හේතුවෙන් වැව් බැම්ම අස්ථාවර වීමට ඉඩ ඇති බැවින් හදිසි අවස්ථාවකදී ප්‍රජාව වෙත අනතුරු ඇඟවීම් නිකුත් කිරීම සඳහා අවශ්‍ය සයිරන් එකක් ලබා දී එය ක්‍රියාත්මක කිරීමට අවශ්‍ය පුහුණුව හා උපදෙස් ලබාදීමට කොළඹ දිස්ත්‍රික් ආපදා කළමනාකරණ සම්බන්ධීකරණ ඒකකය විසින් අද දින (13) කටයුතු කරන ලදී.

මේ අවස්ථාවට වැලිවිට ග්‍රාම නිලධාරී මහතා සහයෝගය ලබාදුන් ශ්‍රී ලංකා ඉඩම් සංවර්ධන කිරීමේ සංස්ථාව මඟින් ජලාශ බැම්ම ස්ථාවර කිරීම සඳහා වැලි කොට්ට බැම්මක් යෙදීමට කටයුතු කර ඇත.

පවතින වැසි සහිත කාලගුණික තත්ත්වය හේතුවෙන් ඇති විය හැකි ආපදා නිසා පීඩාවට පත් ජනතාවට අවශ්‍ය සේවාවන් ඉතා කඩිනමින් සම්බන්ධීකරණය කර දීමට කටයුතු කිරීම පිළිබඳව සියලු දිස්ත්‍රික් ඒකක වෙත උපදෙස් ලබා දෙන අතර තුර කොළඹ දිස්ත්‍රික්කයේ කඩුවෙල ප්‍රාදේශීය ලේකම් කොට්ටාශයට අයත් පහළ බෝමිරිය ප්‍රදේශයේ ගංවතර හේතුවෙන් විපතට පත් ජනතාව වෙත ගොස් අදාල සම්බන්ධීකරණ ක්‍රියාවලිය තවදුරටක් කාරයක්ෂමව පවත්වාගෙන යාම සම්බන්ධව  නිළධාරීන්ට අවශ්‍ය උපදෙස් ලබා දීමටත් ජනතාවගේ අවශ්‍යතා සොයා බැලීමටත් ආපදා කළමනාකරණ මධ්‍යස්ථානයේ අධ්‍යක්ෂ ජනරාල් විශ්‍රාමික මේජර් ජෙනරාල් උදය හේරත් මහතා අද දින (12) කටයුතු කරන ලදී. 

අද දින (12) කොලොන්නාව ප්‍රාදේශීය ලේකම් කොට්ඨාසයේ කැලණිමුල්ල ග්‍රාම නිලධාරී වසමේ මෙගොඩ කැලණිය මාර්ගයේ රා කඩේ හංදිය අසල කැලණි ගඟේ ජලය පිටාර දැමීම වැළැක්වීම සඳහා යුධ හමුදාවේ සහය ලබාගෙන වැලි කොට්ට ගැසීමේ කටයුතු දිස්ත්‍රික් ආපදා කළමනාකරණ ඒකකයේ පූර්ණ සම්බන්ධීකරණයෙන් සිදු කරන ලදී. 

පවතින වර්ෂාපතනය හේතුවෙන් දියවන්නා ඔයෙහි ජල මටිටිම ඉහළ යාම හේතුවෙන් ශ්‍රී ලංකා පාර්ලිමේන්තු සංකීරණයට ගංවතුර තත්වයක් ඇතිවීමේ අවදානම්ක් පැවති බැවින් කොළඹ දිස්ත්‍රික් ආපදා කළමනාකරණ සම්බන්ධීකරන ඒකකය විසින් එම තත්ත්වය නිරීක්ෂණය කිරීමට අද (12) දින කටයුතු කරන ලදී. 

කොළඹ දිස්ත්‍රික්කයේ කඩුවෙල ප්‍රාදේශීය ලේකම් කොට්ටාශයට අයත් පහළ බෝමිරිය ප්‍රදේශයේ ගංවතර හේතුවෙන් විපතට පත් ජනතාව  වෙත අවශ්‍ය සහන කටයුතු සම්බන්ධීකරණ කිරීමට මෙන්ම ගංවතුර තර්ජණයට ලක්වී ඇති නිවාස වල ජීවත් වන පිරිස් මුදවාගෙන ආරක්ෂිතව සුරක්ෂිත මධ්‍යස්ථාන වෙත යොමු කිරීමට අද (12) දින කොළඹ දිස්ත්‍රික් ආපදා කළමනාකරණ සම්බන්ධීකරණ ඒකකය කටයුතු කරන ලදී.

කළුතර දිස්ත්‍රික්කය 

 දිවයිනට බලපා ඇති වර්ෂා සහිත කාලගුණික තත්ත්වය හේතුවෙන් පීඩාවට පත් දිස්ත්‍රික්කයක් වන කළුතර දිස්ත්‍රික්කයේ මිල්ලනිය ප්‍රාදේශීය ලේකම් කොට්ටාශයේ පීඩාවට පත් ජනතාව සෙවීම් සහ මුදවාගැනීම් සම්බන්ධීකරණය කලුතර දිස්ත්‍රික් ආපදා කළමනාකරණ සම්බන්ධීකරණ ඒකක විසින් සිදු කරන ලදී. ඒ අනුව ජලගැලීම් හේතුවෙන් බලපෑමට ලක් වු පවුල් මුදවාගැනීම සඳහා කළුතර නාවික හමුදාවේ විශේෂ යාත්‍රා බල ඝණය විසින් සිදු කරන ලදී. 

අයහපත් කාලගුණික තත්වය හේතුවෙන් මාර්ග අවහිර කරමින් ඇද වැටී තිබූ ගස් ඉවත් කර ගමනා ගමනය යතා තත්වයට පත්කිරීමට කටයුතු කිරීම

කළුතර දිස්ත්‍රික්කය තුලට ඇද හැළෙන දැඩි වර්ෂාපතනය සහ පවතින අයහපත් කාලගුණික තත්වයන් හේතුවෙන් කළුතර ප්‍රාදේශීය ලේකම් කොට්ඨාශයට අයත් කළුතර දකුණ ග්‍රාම නිලධාරි කොට්ටාශයෙහි ටවුන් ක්ලබ් මාර්ගයට අද දින (11) දින ගසක් ඇද වැටීමෙන් එම මාර්ගයෙහි ගමනාගමනයට බාධා ඇතිවූ අතර, මෙම ඒකකයෙහි නියෝජිතයින් සහ කළුතර නාවික හමුදා කඳවුරෙහි භටපිරිස් අදාල ගස කපා ඉවත්කර එම මාර්ගයේ ගමනා ගමනය යථා තත්ත්වයට පත්කිරීමට කළුතර ආපදා කළමනාරකණ සම්බන්ධීකරණ ඒකකය විසින් කටයුතු කරන ලදී.

 පොළොන්නරුව දිස්ත්‍රික්කය 

පොළොන්නරුව දිස්ත්‍රික්කයේ 07 දින සිදු වූ තද සුළං තත්වය හේතුවෙන් අරණගංවිල බටහිර ප්‍රදේශයේ නිවාස 08 කට පමණ හානි සිදු වී තිබූ බැවින් එම නිවාස පරීක්ෂාකර බලා අදාල ආයතන සම්බන්ධීකරණය කිරීමට සහ ගස් වැටීම හේතුවෙන් ගමනාගමනයට සිදු වූ බාධා ඉවත් කිරීමට පොළොන්නරුව ආපදා කළමනාකරණ සම්බන්ධීකරණ ඒකකය කටයුතු කරන ලදී.

කුරුණෑගල දිස්ත්‍රික්කය

කුරුණෑගල දිස්ත්‍රිික්කයේ පන්නල ප්‍රාදේශීය ලේකම් කොට්ඨාශයේ කඩවර ජයවර්ධන වැවෙහි වැව් බැම්ම කැඩී යාමේ අවදානමකට ලක්ව තිබූ අතර අවදානම් තත්ත්වය අවම කිරීම සඳහා 9 වන ශ්‍රීලංකා ජාතික ආරක්ෂක බලකායේ සහභාගීත්වයෙන් වැලි කොට්ට අතුරා වැව් බැම්ම කැඩීයාම වළක්වාලීම සදහා කටයුතු කිරීමට කුරුණෑගල ආපදා කළමනාකරණ සම්බන්ධීකරණ ඒකකය විසින් කටයුතු කරන ලදී. 

මෙවර උසස් පෙළ විභාගය පැවැත්වෙන කාල සීමාව තුළ ඇතිවිය හැකි අනපේක්ෂිත කාලගුණික තත්ත්වයන් නොසලකා හැරිය නොහැකි අතර කාලගුණවිද්‍යා දෙපාර්තමේන්තුව විසින් මේවනවිටත් ඉදිරි සතිය තුළ බෙංගාල බොක්ක මුහුදු ප්‍රදේශය ආශ්‍රිතඅඩුපීඩන තත්තවයක් වර්ධනවිය හැකි බව පුරෝකථනය කර ඇත. එබැවින් ඇතිවිය හැකි ආපදා තත්ත්වයන් හේතුවෙන් ඇතිවිය හැකි බාධා මගහරවා ගනිමින් මෙවර උසස් පෙළ විභාගය පවත්වා ගෙනයාම සදහා අවධානය යොමුකරමින් ආපදා කළමනාකරණ මධ්‍යස්ථානය සහ විභාග දෙපාර්තමේන්තුව එක්ව විශේෂ ඒකාබද්ධ වැඩසටහනක් ක්‍රියාත්මක කිරීමට සැලසුම් කර ඇත. මේ පිළිබඳව ජාතික මට්ටමේ සිට දිස්ත්‍රික් මට්ටම දක්වා අදාල සියලු අංශ දැනුවත් කිරීම ආපදා කළමනාකරණ මධ්‍යස්ථානයේ අධ්‍යක්ෂ ජනෙරාල් විශ්‍රාමික මේජර් ජනෙරාල් උදය හේරත් මහතාගේ ප්‍රධානත්වයෙන් විභාග දෙපාර්තමේන්තුව ඇතුලු පාර්ශව ආයතන නිළධාරීන්ගේ ප්‍රධානත්වයෙන් ඊයේ දින (11/20) ආපදා කළමනාකරණ මධ්‍යස්ථානයේ දී සිදු කරන ලදී.

මෙම සැළසුම ක්‍රියාත්මක කිරීම තුළින් මෙවර උසස් පෙළ විභාග කාල සීමාව තුළ දී ආපදා හේතුවෙන් සිසුන්ට මුහුණදීමට සිදුවිය හැකි බාධා මග හැරගනිමින් සාර්ථකව විභාගයට මුහුණදීමට අවශ්‍ය යහපත් පරිසරයක් නිර්මාණය කිරීම අපේක්ෂා කරන ලදී. ඒ අනුව මෙවර උසස් පෙළ විභාගය කාලසීමාව තුළ විභාගයට පෙනී සිටින දූදරුවන්ට මෙන්ම විභාග රාජකාරි සඳහා සම්බන්ධ වන නිලධාරීන් හට ආපදා හේතුවෙන් මුහුණුදීමට සිදුවිය හැකි බාධා මග හැරගැනීම සදහා හදිසි ප්‍රතිචාර දැක්වීමේ සම්බන්ධීකරණ යාන්ත්‍රණය ශක්තිමත් කිරීමටත් සියලු පාර්ශ්වකාර ආයතන විසින් ඉටු කළ යුතු වගකීම් මෙම ඒකාබද්ධ සැලැස්ම තුළින් පෙන්වා දී ඇත.

Read more ...

 ගංවතුර ආපදාවට ලක් වූ ප්‍රදේශවල ළිං පවිත්‍ර කිරීම සඳහා ගිල්විය හැකි ජල පොම්ප ලබාදීම.

ආපදා තත්ත්වය පහව යෑමෙන් පසු ජන ජීවිතය යථාත්වයට පත් කර ගැනීම සදහා රාජ්‍ය නොවන සංවිධාන විසින් ඉටු කිරීමට අපේක්ෂිත සේවාවන් නිසි කළමනාකරණයකින් යුතුව මහජනතාව වෙත සැපයීම සඳහා වන සම්බන්ධීකරණ යාන්ත්‍රණය පිළිබඳවසහ ආපදාවලට ලක්වී ඇති ප්‍රදේශවල ජීවත් වන ජනතාව සඳහා සුරක්ෂිත පානිය ජල සැපයුමක් සහතික කිරීම වෙනුවෙන් අපවිත්‍ර වී ඇති ජල මුලාශ්‍ර පිරිසිදු කිරීම, සෞඛ්‍ය තත්ත්වය සුරක්ෂිත කර ගැනීම, ජන ජීවිතය යථාතත්වයට පත් කිරීම, යටිතල පහසුකම් ප්‍රතිංස්තරණය කිරීම අදාල පාර්ශවකාර ආයතන විසින් සිදු කරමින් පවතින බැවින් සපුරා ගත යුතු අවශ්‍යතා පිළිබඳව රාජ්‍ය නොවන සංවිධාන දැනුවත් කිරීම ගරු අමාත්‍යතුමාගේ ප්‍රධානත්වයෙන් සිදු කිරීමට ආපදා කළමනාකරණ මධ්‍යස්ථානය කටයුතු කරන ලදී.

ඒ අනුව එක්සත් ජාතීන්ගේ සංවර්ධන වැඩසටහන (UNDP) විසින් කළුතර, කොළඹ සහ ගාල්ල දිස්ත්‍රික්කවල ගංවතුර ආපදාවට ලක් වු ප්‍රදේශවල පානීය ජල මුලාශ්‍ර පිරිසිදු කිරීම භාවිතා කිරීම සඳහා ගිල්විය හැකි ජල පොම්ප ඒකක 10 ක් එක්සත් ජාතීන්ගේ සංවර්ධන වැඩසටහන (UNDP) මගින් ලබා දීමට කටයුතු කරන ලදී. එක්සත් ජාතීන්ගේ සංවර්ධන වැඩසටහන (UNDP)මෙරට වැඩසටහන් භාර නිලධාරීනී මලින් හර්විග් (Ms. Malin Herwig) මහත්මිය විසින් ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා වෙත මෙම භාණ්ඩ භාරදීම පසුගිය දා සිදු කරන ලදී.

මෙම අවස්ථාවට ආපදා කළමනාකරණ මධ්‍යස්ථානයේ අධ්‍යක්ෂ ජනරාල් විශ්‍රාමික මේජර් ජෙනරාල් උදය හේරත්එක්සත් ජාතීන්ගේ සංවර්ධන වැඩසටහනේ දේශගුණ සහ පරිසර පිළිබඳප්‍රතිපත්ති විශේෂඥ බුද්දික හපුආරච්චිඇතුලු නිළධාරීන් පිරිසක් මෙම අවස්ථාවට සහභාගී විය.

කොළඹ මහනුවර මාර්ගයේ කඩුගන්නාව ප්‍රදේශයේ අවදානම් ගස් සහ ගල් ඉවත් කිරීම.

කොළඹ - මහනුවර ප්‍රධාන මාර්ගය පහළ කඩුගන්නාව කොටස මාර්තු 08 වන දින පස්වරු 7.30 සිට තාවකාලිකව වසා දමා අවදානම් තත්ත්වයේ පවතින ගල් ඉවත් කිරීමේ මෙහෙයුම් සිදු කරන ලදී.

මෙම කාල සීමාව තුළ කොළඹ සිට මහනුවර දක්වා ගමන් ගන්නා වාහන වරකාපොළ, අ‍ඹේපුස්ස හන්දියෙන් වමට හැරී කුරුණෑගල මාර්ගය ඔස්සේ හෝ කෑගල්ල කරඬුපන හරහා රඹුක්කන හා මාවනැල්ල නගරයෙන් රඹුක්කන නගරයට පිවිස හතරලියැද්ද මාර්ගය ඔස්සේ ගලගෙදර හරහා මහනුවරට හෝ මාවනැල්ල නගරයේ සිට හෙම්මාතගම හරහා ගම්පොළ මාර්ගය ඔස්සේද මහනුවරට ළඟාවීම සදහා විකල්ප මාර්ග භාවිතා කරන ලෙස දැනුම් දෙන ලදී.

කෑගල්ල දිස්ත්‍රික් ලේකම්තුමගේ උපදෙස් මත ආපදා කළමනාරණ සම්බන්ධීකරණ ඒකකය විසින් මෙම වැඩසටහන සංවිධානය කරන ලද අතර මාවනැල්ල ප්‍රාදේශීය ලේකම්, මාර්ග සංවර්ධන අධිකාරිය, දැව සංස්ථාව, මාවනැල්ල ප්‍රාදේශීය සභාව සහ පොලීසය ඇතුලු පාර්ශවකාර ආයතන සම්බන්ධ විය.

පවතින ආපදා තත්ත්වය පිළිබඳව රාජ්‍ය නොවන සංවිධාන නියෝජිතයින් දැනුවත් කිරීම

පසුගිය දින කීපය තුළ ඇද හැළුණු අධික වර්ෂාපතනය හේතුවෙන් දිවයිනේ ප්‍රදේශ ගනණාවක ක්ෂණික ගංවතුර මෙන්ම නායයාම්, කණ්ඩි කඩවැටීම් ආදී ආපදා තත්ත්වයන් හේතුවෙන් දිස්ත්‍රික්ක 3 පවුල් 65,777 අයත් පුද්ගලයින් 247,406 ක් බලපෑමට ලක් වී ඇති බවත් මේ වන විට සුරක්ෂිත මධ්‍යස්ථාන 166 පවත්වා ගෙන යන බවත් ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් අමාත්‍යතුමා අද දින (05) ආපදාවෙන් විපතට පත් ජනතාව වෙත සහන සැලසීමේ ක්‍රියාවලිය පිළිබඳව රාජ්‍ය නොවන ආයතන නියෝජිතයින් දැනුවත් කිරීමේ වැඩසටහනකට සහභාගී වෙමින් පැවසීය.

ආපදා තත්ත්වය පහව යෑමෙන් පසු ජන ජීවිතය යථාත්වයට පත් කර ගැනීම සදහා රාජ්‍ය නොවන සංවිධාන විසින් ඉටු කිරීමට අපේක්ෂිත සේවාවන් නිසි කළමනාකරණයෙන් යුතුව මහජනතාව වෙත සැපයීම වෙනුවෙන් වු සම්බන්ධීකරණ යාන්ක්‍රණය පිළිබඳ දැනුවත් කිරීමේ අරමුණින් මෙම ආපදා කළමනාකරණ මධ්‍යස්ථානය විසින් මෙම රුස්වීම සංවිධානය කරන ලදී. 

ඒ අනුව ආපදාවලට ලක්වී ඇති ප්‍රදේශවල ජීවත්වන ජනතාව සඳහා සුරක්ෂිත පානිය ජල සැපයුමක් සහතික කිරීම සදහා අපවිත්‍ර වී ඇති ජල මුලාශ්‍ර පිරිසිදු කිරීම, සෞඛ්‍ය සුරක්ෂිත කරගැනීම, ජන ජීවිතය යථාතත්වයට පත් කිරීම, යටිතල පහසුකම් ප්‍රතිංස්තරණය කිරීම අදාල පාර්ශවකාර ආයතන විසින් සිදු කරමින් පවතින බව සහ සපුරා ගත යුතු අවශ්‍යතා පිළිබඳව මෙම නියෝජිතයින් දැනුවත් කිරීමට කටයුතු කරන ලදී.

එසේම මෙවැනි ගංවතුර තත්ත්වයන් සඳහා විසදුම් ලබාදීම සඳහා දිගු කාලීන අවමකිරීමේ ව්‍යාපෘති හදුනාගෙන ඇති බවත් ඒවා ක්ෂණිකව ක්‍රියාත්මක කිරීමේ වැදගත්කම හදුනාගෙන ඇති බවත් තවදුරටත් පෙන්වා දෙන ලදී.

විපතට පත් ජනතාව සඳහා අවශ්‍ය ආහාර පානීය ජලය, සෞඛ්‍ය පහසුකම් ලබාදීමට කටයුතු කර ඇති බවත් දිස්ත්‍රික් ලේකම්වරුන්, ප්‍රාදේශීය ලේකම්වරුන් ඇතුලු රාජ්‍ය නිළධාරීන් සහ ග්‍රාමීය කමිටු විසින් ආපදාවෙන් විපතට පත් ජනතාව සඳහා ආහාර ලබාදීමේ වැඩපිළිවෙල ක්‍රියාත්මක කරන බවත් එය තව දුරටත් ශක්තිමත් කිරීම සදහා 1/2020 (1) චක්‍රලේඛය මගින් ලබා දී තිබු සහන වැඩි කිරීමට රජය විසින් කටයුතු කළ බව අමාත්‍යවරයා මෙම නියෝජිත පිරිස අමතමින් වැඩිදුරටත් පෙන්වා දෙන ලදී.

ඒ අනුව එක් පුද්ගලයෙකු සදහා දිනකට ආහාර සදහා පැවති රුපියල් 450.00 මුදල රුපියල් 600 දක්වා වැඩි කළ බවත් එක් පුද්ගලයකු සදහා වියලි ආහාර වෙනුවෙන් සතියක කාලයක් සදහා වෙන් කර තිබු රුපියල් 1,350.00 ක මුදල 1,800.00 දක්වා ද සාමාජිකයින් 02 දෙනෙකු සදහා වු මුදල රුපියල් 1,800.00 සිට 2,400.00 දක්වා ද, සාමාජිකයින් 03 දෙනෙකු සදහා වු මුදල රුපියල් 2,100.00 සිට රු 2,800.00 දක්වා ද, 04 දෙනෙකු සදහා වු මුදල රුපියල් 2,400.00 සිට රු 3,200.00 දක්වා ද, 05 දෙනෙකු හෝ ඊට වැඩි පවුලක් සදහා වු මුදල රුපියල් 2,700.00 සිට රු 3,600.00 දක්වා ද වැඩි කර ඇත.

මෙම දැනුවත් කිරීම රැස්වීම සඳහා එක්සත් ජාතීන්ගේ නියෝජිතායතන, මෙරට ක්‍රියාත්මක රාජ්‍ය නොවන සංවිධාන නියෝජිතයින් පිරිසක් මේ අවස්ථාවට සම්බන්ධ විය.

පවතින ආපදා තත්ත්වය කළමනාකරණය කරගැනීම දිස්ත්‍රික් ලේකම්වරුන් වෙත අවශ්‍ය උපදෙස්

පවතින ආපදා තත්ත්වය පිළිබඳව දිස්ත්‍රික් ලේකම්වරු සමග විශේෂ සාකච්ඡාවක් මාර්ගගත ක්‍රමය ඔස්සේ (03) වන දින ආපදා කළමනාකරණ මධ්‍යස්ථානයේ හදිසි මෙහෙයුම් මැදිරිය පරිශ්‍රයේ දී ආරක්ෂක රාජ්‍ය අමාත්‍ය ප්‍රමිත බන්ඩාර තෙන්නකෝන් මැතිතුමාගේ ප්‍රධානත්වයෙන් පැවැත්විනි.

පසුගිය දින කීපය තුළ ඇදහැලුණු අධික වර්ෂාව හේතුවෙන් ගාල්ල, මාතර, හම්බන්තොට, කලුතර, කොළඹ, ගම්පහ, රත්නපුර, කෑගල්ල, බදුල්ල, මහනුවර, නුවරඑලිය වන දිස්ත්‍රික්ක වල පීඩාවට පත්වූ ජනතාවට සහණ සැලසීම හා විපතට පත්වූවන් බේරා ගැනීමේ මෙහෙයුම් ක්‍රියාත්මක කිරීමේදී දිස්ත්‍රික් ලේකම් වරුන්ට බලපාන් ගැටළු සදහා ක්ෂණික විසදුම් ලබාදීම මෙම සාකච්ඡාවේ අරමුණ විය.

Read more ...